Adita salrangna skang NPP-ni dilgipa aro Education Minister Rakkam Sangma-ni Congress aro BJP batanggimin MP election-o apsan bakrime kam ka·a ine matnangatanina MDA sorkariko ka∙donggenchimode BJP-ni sakgni MLA-rangko a·rikgalchina Garo Hills-ni MP Saleng Sangma ra∙biangskaaha.
MDA sorkario da∙o dipet sak 43 MLA-rangni dakchakanichi dilenga, indake ong·genchimoba BJP-ni MLA-rang sakgni mangmangsan dongani gisepon uamangni dakchakani maming dakeba nangegijaniko Sangma aganangaha.
NPP party an∙tangtangni bilko mesoke BJP-ni MLA-rangko a·dok sorkarioni rikgalchengesa MP election-na pu·onani gimin golpona kraa ine Saleng Sangma aganangaha.
