Education Ministry-ni parakatgipa National Institutional Ranking Framework (NIRF)-o North Eastern Hills University (NEHU) ongipa gadangko man·ani bidingo Education Minister Rakkam Sangma, NEHU-ni Vice Chancellor baksa golporimna tik ka·angaha. NEHU, NIRF-ni parakatgipa gadango 101-150 ni gisepo donatako man·aha.
Iarangni bidingo Rakkam Sangma aganengon, tribal chadamberangni jotton ka·na skani aro gipinrang baksa susapana skani gisik donggijaniko parakangaha. Indake ong·genchimoba, university-o bida pakwatani gadangrang tang·onkuja aro iako namdapatna cholrang gnang ine Sangma aganangaha. Chadamberangkoba bang·en taridapkuna nangenga aro gipinrang baksa susaani gisikko ra·bana krengdilna raken kam ka·na nangkuenga ine Sangma agandapangaha.
Meghalaya a·doko namnamgipa skigiparang aro bida pakwatanio mingsing minggamaniko janape dal·rorona man·agita NEHU-ni badiaba department-rango ja·pang namgipao ga·chatna nangkuenga ine Sangma aganangaha.
NIRF 2024-o Indian Institute of Science (Bengaluru) ge 100 nambatgipa university-rangni gisepo skanggipa ong·aha. Gnigipao Jawaharlal Nehru University (Delhi) aro Jamia Millia Islamia (Delhi) gittamgipa gadangko man·angskaaha.
NEHU-ni onbea gadangko man·e ja·manchakaniara Meghalaya-na mikkim rasong be·ani ong·aha aro bida pakwatani a·bako name gital daktaie chanchitaina daito gnanggiparangna ramako mesokaniba ong·a.
