Da·ororo dingtang dingtang social media-rango manderangni chisamo sie dongani video-rangko South Garo Hills-ni sima ari jolo obosta ong·a ine giproroate Garo Hills-ni manderangko kenjagokatenganina, ian kakketgipa ong·ja ine Western Range Tura-ni DIG parakataha.
Unbaksana ia giproroatenggipa video-ara batanggimin somoio Bangla-Myanmar sima ario ong·anggipa gitcham obostasa ong·a ine DIG talatangaha. Iani gisepon indakgipa somoirango tol·e giproroatenggipa kakketgijagipa video-rangko sakantian gipatjachinaba DIG u·iatangaha.
