Bangladesh-o so∙sojengjeng ong∙anichi gitcham Prime Minister Sheikh Hasina-ni a∙songko wate katanganichi gitalgipa sorkariko da∙alo songanggen. Bangladesh-ni Army Chief General Waker-Uz-Zaman ni parakatanigitade a∙songko dilna gitalgipa sorkariko songe Muhammad Yunus ko Prime Minister na seoke da∙al walni 8 bajio ku∙mikchetaniko dakanggen ine parakataha.
Ia gitalgipa sorkariko chalaina sak 15 dilgiparangko seokaniko dakange re∙baenggipa salgittam ba salbrini gisepo a∙songo so∙sojengjeng ong∙anirangko namatna jotton ka∙anggen ine Zaman parakangaha. Unbaksana ia kajia golmal ong∙anio pilak namgijagipa kamrango bak donggipa manderangni kosako niamrango pangchake kragipa sastirangko on∙angna miksonganikoba ua aganangaha.
Bangladesh ni President Mohammed Shahabuddin ba Yunus ko skotong dilgipa ong∙na seokaniko uni ra∙chakaniko parakataha.
