Battanggimin salrango dingtang dingtang dol aro manderangni Meghalaya Civil Services (Preliminary) porikkako segiparangni mark-rangko parakchina dabianiko man·e Meghalaya Public Service Commission (MPSC)-ni Chief Controller of Examination jinmana parakatna tik ka·angaha.
Iani gisepon je MCS (prelims)-ko segiparang an·tangtangni mark-rangko jinmao parakaniko nangnikjagenchimode https://forms.gle/9YWpc2Y4uoZ8q8vS7 link-ona napange an·tangtangni nangnikgijaniko mesokchina u·iatangaha. Ia link-ko August 7 tarik 12 bajioni August 16 tarik attam 5 bajiona kuliangnagitaba u·iatangaha.
Unbaksana jerangni mark-rangko parakataniko dakjahachim uamangba an·tangtangni mark-ko dingtangmancha OTP base system-gita nisona man·gen ineba u·iatangaha.
