Bangladesh-o so·sojengjeng ong·aniko tom·tomaona ra·bapilna man·jae mijal salni bako Bangladesh-ni Prime Minister Sheikh Hasina, Prime Minister-ni kamko watani a·selo uni chalaienggipa sorkari be·gruaha. Indake ong·engon Hasina uni nogipa Rehana jean UK-o songdonggipa ong·a, unbaksa UK-ona re·nagita India a·songona katnapbachengaha.
Ia obostarangko chagrongna nange Hasina UK a·songo dongchaknagita UK-ni sorkario mol·mole bi·angaha. Iani gisepon uni dongchakna bi·aniko UK sorkari da·o dipet ra·chakujaenga aro ra·chakujana kingking Hasina-ko India-ni sorkari dongchakna on·agita tik ka·angskaaha.
