Bangladesh a∙songo so∙sojengjeng ong∙anirang namkujani gisepon maibakai Khasi, Garo aro Jaintia jatrang jemangan Bangladesh a·songo songdongenggiparang mikkangchi neng∙nikanirangko chagrongenchimode Meghalaya-o uamangna dongchakna on∙a nanganiona soknaba donga ine Cabinet Minister Rakkam A. Sangma koborna parakataha.
Batanggimin somoio chongmotan 1971 bilsio Bangladesh a∙songo so∙sojengjeng ong∙miting somoioba indakgipa apsan obostako chagronge bang∙a manderang Meghalaya a∙doko dongchaknagita re∙baaniko nikna man∙angaha. Apsandaken ia changoba re∙baenggipa sal somoirango itihaso ong∙anggimin obostarangko chagrongna nangaona soknaba donga ine Sangma aganangaha.
Iani bidingo Sangma an∙tangni constituency-ko toe aganangaha jeon Bangladesh baksa km 80 mangni biaprang sima ari jolo ong∙ani gimin bang∙a A∙chikrang Bangladesh-o songdongenggiparangba gnang ine aganaha. Indake mikkangchi uamangko Meghalaya a∙doko bang∙gija somoirangna nokchakna nanggenchimode mandeskana ka∙sachakaniko gisiko done ma∙mong sorkari baksa chanchirime ja∙kurangko de∙na nangnaba gnang ine Sangma agandapangaha.
