Tura Inter School Basketball tournament 2024, me·asa aro me·chik dolrangni final kal·susaaniko Christian Girls Higher Secondary School-ni basketball kal·chakramo da·al sal August 1 tariko ong·ate an·saobee matchotangaha. Ia susaaniko District Sports Association aro Meghalaya Basketball Association, Shillong-ni dakchakanichi ong·atangaha jekon July 29 tarikoni a·bachengataha. Ia susaanio a·jani skulrang chu·gimik dol 11-rang jeon me·asarang dol 7 aro me·chikrang dol 4 bakko ra·angaha.
Me·chik dolrangni final-ko Don Bosco College Higher Secondary Section baksa Don Bosco School kal·angaha jeon DBC HSS 44-14 point-rangchi nengrabee DBS dolko amataha. Ia final kal·anio nambate kal·gipani gadangko DBC HSS-ni Ame Chisime D. Sangma man·angaha. Unbaksana me·asa dolrangni final kal·anio, Don Bosco Higher Secondary Section baksa Don Bosco School kal·angaha jeon Don Bosco School 44-30 point-rangchi DBC HSS dolni kosako cheangaha. Me·asa dolrangni susaanio DBS-ni James Tirkey nambate kal·gipani gadangko man·angskaaha.
Ia kal·susaanio West agro Hills a·jani Deputy Commissioner Jagdish Chelani sokbae boksisrangko suale on·angaha. Una agreba District Basketball Association (DBA) Tura-ni bang·a basketball kal·anio gisiko nanggipa chadamberangko ra·dona jotton ka·e mikkangchi basketball kal·chakram biaprangna dabianiko dakangaha ine parakangaha. DBA senior player-rangko a·jani dingtang dingtang skulrangona basketball-ko skie on·a watengan baksana Garo Hills-ni chadamberangna Inter Club Basketball tournament-ko ong·atngna miksonganikoba aganangaha.
