Agia-Medipara-Phulbari-Tura (AMPT) ramani ning·o Konachar sepango RCC dolong nosto ong·ani a·selo West Garo Hills-ni Deputy Commissioner Jagdish Chelani, jrimbegipa garirangni re·aniko dontongatna tik ka·angaha.
Deputy Commissioner-ni ge·etgimingita pilak jrimbegipa garirang Phulbari oni Singimari, Mankachar aro Mahendraganj re·engiparangko Rajabala-oni Selsella ramako re·china u·iataha. Garobadha-oni Singimari, Phulbari, Tikrikilla aro gipin biaprangona re·giparangko AMPT-GSB junction (Benabazar junction)-oni Selsella-Rajabala ramako jakkalchina ge·etangaha. Ia garirangna agre ambulance, fire-truck, LPG ra·ruraenggipa garirangko 9 MT na batja ong·ode nosto ong·gimin dolongko jakkalna man·gen ine DC u·iatangaha.
