Mangsang Morongga A·king Nokma-ni ning·o ong·gipa Garo Hills-ni damgni songni a·arangko Khasi Hills-chi man·angenganina, Mangsang jolni bakrimgimin NGO dolrang GHADC-ni CEM-na chitti see u·iatangaha.
Uamangni chittio janapatanigitade, Khasi Hills-ni sima ari sepangjolo donggipa damgni songrang chong·motan Nongkingkil Mogru aro Rengka songrangni a·arangko Khasi Hills-chi man·angenga ine u·inagita man·aha. Ia damgni songrangara Garo Hills-ni ning·osa ong·anina, ta·rake re·ange name nirikkie sima arirangko songe a·kange donechinagita Mangsang-ni bakrimgimin NGO dolrang GHADC-ni CEM-ko mol·molangaha.
