Inter School Basketball tournament 2024-ni brigipa salo me·asa dolrangni gisepo ge·gni semi final-rangko da·alo Christian Girls’ Higher Secondary School Basketball kal·chakramo susagrikangaha. Skanggipa semi final-ko Don Bosco Junior College Higher Secondary School, Tura baksa Auxilium Secondary School kal·angaha jeon Don Bosco Junior College dolrang 49-18 point-rangchi Auxilium Secondary School-ko amchepate final-ona skanggipa dosogipa dol ong·angaha.
Apsandaken gnigipa semi final-ko Don Bosco Higher Secondary School, Tura (Night Shift) baksa Don Bosco Higher Secondary School (Day Shift)-ni gisepo kal·angskaaha. Ia dolgnini gisepo biltinggrike kal·angaha jeon Don Bosco Higher Secondary School (Day Shift) dolrang 49-45 point-rangchi Don Bosco Higher Secondary School (Night Shift)-ni kosako bang·gija dingtanggrikanichi cheangaha. Ia gnigipa semi final-o susaanio namgipa player adasa sakgnirang chong·motan DBS Day Shift dolo James Tirkey aro DBS Night Shift dolo adatang John Paul Tirkey doltangtangko cheatna jotton ka·bee kal·aniko nikangna man·aha.
Indake ia Inter School Basketball tournament-ko knal salo apsan biapon 3:00 bajioni me·chik aro me·asa dolrangni final-ko kal·atanggen jeon a·jani DC Jagdish Chelani closing ceremony-o bakko ra·anggen. Skanggipao me·chik dolrang Don Bosco College Hr. Secondary Section baksa Don Bosco Higher Secondary School (Day Shift) kal·anggen aro gnigipao me·asa dolrang Don Bosco Higher Secondary School (Day Shift) baksa Don Bosco Higher Secondary Section mikkangchakgrike kal·angskagen.
