WGH Dalu Regional Unit ni A·chik Holistic Awakening Movement (AHAM) dolrang da·al salni bako Dalu Public Works Department (PWD)-ni Officer Incharge-ko gronge Section 6 Right To Information (RTI) Act, 2005-o pangchake 2018-oni 2022 bilsini gisepo sorkarini PWD department-na chamatgimin scheme aro project-rangni bidingo talataniko on·chinagita RTI ka·ani lekkarangko on·angaha.
AHAM dol Dalu PWD-ni pilak ka·gimin scheme-rang, badita tangkarangko chamataha aro maidakgipa gadango rika cho·anirangko dakaha, iarangni bidingo chu·gimik lekka pancharangko uamangna bikote on·china RTI-o janapangaha.
