Tura-o, Inter School Basketball tournament 2024-ni gittamgipa salo me·asa dolrang aro me·chik dolrangni kal·aniko Christian Girls Higher Secondary School Basketball kal·chakramo da·alo nikangtaina man·angaha.
Skanggipa susaanio me·chik dolrang, Don Bosco Higher Secondary School, Tura aro Christian Girls Higher Secondary School, Tura-ni gisepgriko kal·angaha jean me·chik dolrangna ian gnigipa semi final ong·angaha. Ia susaanio Don Bosco Higher Secondary School, Tura 26-6 point-rangchi Christian Girls Higher Secondary School-ko altubee amate final-ona doangaha jeon skanggipa semi final-ona dosogipa Don Bosco Higher Secondary Section, Tura baksa final-o mikkangchakgrikanggen.
Gnigipa susaanio me·asa dolrang, Don Bosco Higher Secondary School, Tura (Day Shift) aro Bosco Mount, Rongkhon-ni gisepo kal·angskaaha. Ia me·asa dolrangni kal·ani gisepo Don Bosco Higher Secondary School, Tura (Day Shift) dolrang 45-16 point-rangchi Bosco Mount, Rongkhon dolrangko amatskaaha.
Indake knalo me·asa dolrang semi final-ko changgni kal·anggen jeon skanggipa semi final-ko Don Bosco Junior College Higher Secondary School, Tura baksa Auxilium Secondary School, Tura kal·anggen aro gnigipa semi final-ko Don Bosco School, Tura (Night Shift) baksa Don Bosco Higher Secondary School, Tura kal·angskagen.
