East Garo Hills a∙jani District Tuberculosis Officer (DTO), dam 24 TB sabisioni naljoke dongenggipa song nokrangko mande ra∙an baksa katchapaniko mesoknagita da∙al salni bako DRDA Hall Williamnagar-o program-ko ong∙atangaha. Ia program-o dingtang dingtang department-ni officer-rang, Nokma, Sordar, Village Health Council-rangni President aro Secretary-rang, ASHA, Anganwadi, Nikshay Mitras aro songdongenggipa manderang bakko ra∙angaha.
Ia program-ona a∙jani ADC aro Williamnagar Municipal Board-ni CEO Dr. Ripamchi N. Sangma mongsonggipa sokgipa ong∙e a∙jao TB sabisioni naljoke dongna man∙agita ku∙cholsan ong∙e nambate kamko ka∙nagita ku∙mongangangaha. TB sabisiko altubee namatna man∙ani giminba aganange 2025 bilsio TB sabisiko bon·atsrangna man∙agita awareness program-rangko ong∙atna nangnikani bidingoba Dr. Sangma aganangaha.
Ia program-o dam 24 TB sabioni naljoke dongenggipa songrang chong·motan Dambo-Rongjeng C&RD Block-ni ningo ong∙gipa dam 6, Samanda C&RD Block-ni dam 9 aro Songsak C&RD Block-ni dam 9 songrangna TB sabisioni chel·chake dongna jotton ka·enganina certificate-rangko on∙angaha.
