Re·baenggipa July 26 tariko, pring 10 bajioni Meghalaya State Skill Development Society (MSSDS), Department of Labour, Employment and Skill Development-ni gita Tura District Auditorium-o Job Fair-ko ong·atna tik ka∙aha.
Ia Job Fair-ko Chief Minister Conrad Sangma mongsonggipa sokgipa ong·e oprake on·anganiko dakanggen. Ia Job Fair-ko ong·atani miksonganiara gipin a·songrang jekai UK, Japan, Germany, Saudi Arabia, Singapore, Europe aro gipin a·songrangchi re·ange kamrangko ka∙na gita cholrangko man·anggen. Battanggimin salrangoba a·dokni bang·a kamgri dongenggipa chadamberang ia Job Fair-o bako ra·enba Japan aro Singapore-rango kamrangko ka·na seokako man·angaha. Ian a·doko kamgri dongenggipa chamdamberangna mingsa nambegipa chol ong·a.
