Re·baenggipa bye-election o Gambegre constituency ni manderang sorkarina chake NPP ko seokanggen ine Williamnagar-ni MLA aro Minister Marcuise Marak uni ka·dongsoaniko parakataha.
Kobor ra·timgiparangna aganengon, ia bye-election gitcham MLA Saleng A Sangma baksa susaani ong·anggen jean MP na seokako man·e constituency ko watangna nangaha, indiomangba NPP nigita skangnin ia constituency-o ja·dil su·gimin dongani gimin chena ka·dongsoenga ine Marak parakangaha.
Chief Minister Conrad Sangma ni re·dilanichi a·dokna aro Garo Hills na bang·a namgnirangko ra·bana man·angaha ine Marak sorkariko de·doe aganangaha.
Ia election-o susana NPP ru·utgija somoirangni gisepon candidate ni bimingkoba manderangna parakatgen ineba Marak agandapangaha.
