Mijal salo A·chik Progressive Approach (APA) C.E.B H.Q Williamnagar skanggipa changna Williamnagar District Auditorium-o Garo Hills-ni gimik unit-rang baksa tom·bimonge bilsio changsa chanchirimangaha. Ia tom·aniona dingtang dingtang unit-rangni President, Secretary, Executive member-rang sokbae bakko ra·angtokaha.
Da·o dipet Garo Hills-ni dingtang dingtang biaprango APA dolni chu·gimik ge 22 unit-rang donga jekai Nengkra Regional Unit, Dobu Regional Unit , Rongjeng Regional Unit, Rongmil Regional Unit, Songsak Regional Unit, Songkama Sub- Unit, Rongsak Regional Unit, Gongmagre Sub-Unit, Bajengdoba Regional Unit, Thapa Darenchi Regional Unit, Dainadubi Regional Unit, Baghmara South Zone, Rongara Regional Unit, Ampati Regional Unit, Garobadha Regional Unit, Phulbari West Zone, Chibinang Regional Unit, Bamingdanga Regional Unit, Raksamgre Regional Unit, Pedaldoba Regional Unit aro Romgre Dadenggre Regional Unit -rang ong·a ine parakataha.
Ia ge·anti Unit-rangni bilsi gimikni report-rangko man·soanigitade an·tangtangni biaprangko ra·dona aro namdapatna raken krenge kamrangko ka·enganiko aro nangchongmotgipa obostarangni bidingoba unit ge·antini President-rang agan-talate on·angaha. Mikkangchi gitalgipa niamrangko ja·rike NGO-ko chalaiani bidingo C.E.B-ni Chairman Francis Marak aganangaha.
