Voice of the People’s Party (VPP), President Ardent Miller Basaiawmoit, uni party-ko Garo Hills-ona ra·bana aro a·doko namgipa re·dilaniko nangnikani bidingo manderang baksa agangolpogrikangaha ine kobor ra·timgiparangna parakataha. Garo Hills-o, Gambegre bye-election-o VPP dolkoba susaatna nangnikgiparang batroroenga ine Ardent Miller aganangaha. Indake ong·genchimoba, ia bye-election-o susana party-na agre seng·gnange ja·ku de·ani ong·gen, da·o dipetde dolko dilaniko bilakatna aro Garo Hills-ni manderang baksa nambate ma·sichake ra·chakgrikna man·agita uamangni kam ka·anirang aro miksonganirangko talatnasa skanggipa mangsongenga ine Ardent agandapangaha.
Iasan ong·aigija, gipin Northeast a·dokrangni dilgiparangba VPP dolni re·mikkanganio bakrimna gisiko nanganiko Ardent janapangaha. Mizoram-ni Zorum People’s Movement (ZPM) aro Tripura-ni dilgiparang VPP baksa kam ka·na nangniktokenga. Assam-ni minority jatrangni dilgiparang baksaba VPP dol agangolpogrikangaha ine Ardent Miller parakangaha. VPP dol dingtangmancha Garo Hills-o aro gipin a·dokrango bilakgipa pangchakaniko songna miksongchengenga jeon manderang uamangni re·mikkanganiko name ma·sina man·e namniktokgen ine Ardent Miller aganangaha.
