July 22 tarik, Sombar salni bako SWGH Ampati songjinmani Mini Stadium-o Ampati Super Division League Football Tournament-ko District Football Association a·bachengatangaha. Ia tournament-o a·jani chu·gimik dol 8 rang susaanio bakko ra·angenga jeon chegipa dolrang Tura League aro Meghalaya Super League-o bakko ra·nagita cholko man·angskagen ine u·iatangaha.
Ia tournament-ko oprakani somoio Mahendraganj-ni MLA Sanjay A. Sangma mongsonggipa sokgipa ong·e gipin officer-rangni dongpaanio, SWGH a·jao gital kal·chakram biapko rika cho·anirangko dakna crore 9 tangkarangko man·sogen jeon astro turf-ko on·gen aro kal·chakanirango chasong gitalo jakkalna nanggiparang donggen ine parakangaha. Una agreba a·jani District Sports Office-nigita gong lakh 2 tangkako on·e ia tournament-ko ong·atnagita dakchakataha ineba aganangaha.
