Tura, Chanmari football kal·chakramo District Football Association (DFA) dingtang mancha Meghalaya Football Association (MFA) ni dakchakaniko man·e AIFF D Licence Coaching Course-ko July 15-oni 19 tarikona ong·atangaha. Salbongana ong·atanggipa ia coaching course-o sak 22 coach-rang Garo Hills aro Khasi Hills a·jarangoni re·bae bakko ra·angtokaha.
AIFF ni Vikash Panthi aro Shillong-oni Grade A coach-rangni donganio bakko ra·giparang theory aro practical-ko skie ra·angna cholko man·angaha. Chamberangni nangagita mikkangchi nambata gadangrango dangdike on·china chu·ongagita ma·sina nanggipa kakketkon uamangna namen skie on·angaha.
Ia D Licence ara AIFF-ni dingtang mancha coach rangna on·gipa course ong·a aro uamang robol kal·na gisiko nanggipa chadamberangna ja·pangoni aro district level-ona skie on·a ia license ko nangchongmota.
