Bangladesh a·songo Dhaka University-ni chatro chatrirangni jingjengatanio ja·donggae dakchakaniko nangenggipa Meghalaya a·dokni manderangna, a·dok sorkari help line number 1800-345-3644 ona call ka·ate janapatchina parakataha.
Chatro chatrirangni jingjengatani mongsonggipa a·selara, chengo 1971 bilsio Bangladesh a·songko jakgitel ong·atna dakgrikgipa manderangni ma·drang maharani manderangna sorkarini kamrango 30% ko a·kange donaniko 2018 bilsion ra·galgiminko, High Court-ni da·o ra·gataianina batanggimin jaonin jegale sorsojengjeng ong·enga. Ia so·sojengjeng ong·ani somoio, Bangladesh a·songo poraienggipa India-ni pilak chatro chatrirangko songre songgabataniko dakjachina aro uamangni dongenggipa nokrangoni ong·katjachina ma·mong sorkari ge·etataha.
Maibakai nanggitika ba a·selko chagronggenchimode ka·mao on·gipa High Commission aro Assistant High Commission-ni number-rangona ka·e u·iatchina u·iatangaha.
High Commission of India, Dhaka +880-1937400591Assistant High Commission of India, Chittagong +880-1814654797 / +880-1814654799Assistant High Commission of India, Rajshahi +880-1788148696Assistant High Commission of India, Sylhet +880-1313076411Assistant High Commission of India, Khulna +880-1812817799
