Ru·utgija salrangna skang Assam a·dokni Sarusajai Indoor Stadium, Guwahati-o chang 6 gipa North East Pencak Silat Championship-o Garo Hills-oni sakgittam susagiparang medal-rangko chebaaha. Ia susaaniona bang·a Northeast a·dokrangoni sak 680 mang re·bae me·a aro me·chik bakko ra·angtokaha jeon uamang dingtang dingtang gadangrango jekai sub-junior, pre-teen, teen, pre-junior, junior aro senior category-rango susaangaha.
Chang 6 gipa North East Pencak Silat Championship-o, Garo Hills a·jaoniba bang·an bakko ra·angaha, uamangoni sakgittam susagiparangsan medal-rangko chebana man·aha. Ia kal·susaanio East Garo Hills a·jaoni Yuvraj D. Sangma aro Indoarbiushbirth N. Marak, bronze medal-ko chebaaha. Apsandake North Garo Hills a·jaoni Moonmoon Rabha, silver medal-ko che·baskaaha.
North East Pencak Silat Championship-o, sokachakgipa Assam a·dok skanggipa ong·angaha, Nagaland gnigipa aro Manipur gittamgipako man·angaha.
