West Garo Hills, Rongram C&RD block ni ning∙o ga∙akgipa Rongbakgre songo July 8 tarikoni Jio tower-ko manderangna maming u∙iatgija chipe donenga ine koborna parakataha. Ru·utbea salrangonin ia mobile tower-ko chalaigija donaha jekon da·onaba mamingkon daka dongkujaenga. Iani a∙selo Rongbakgre aro wilwila songrango donggipa manderang neng∙nikanirangko chagrongenga ine parakataha.
Da·ororoni chasongo pilakan internet-ko jakkale kamrangko ka·na nangani gimin mongsongbate poraia skianio bi·sarangna neng·nikaniko ra·bajachina ia jio tower-ko taritaie on·china mol·molataha. Tangka paisarang bon·e recharge ka·anio korosrang ong·genoba jolo network dongjaode maming namgniko man·ja ine songni manderang u·iataha. Songni manderangni neng·nikaniko jio office-o ka·gipa daito gnanggiparang ta·rake re·bae nirok simsakeode sakanti chatro chatrirangna, bading chiwalgiparangna aro songdonggiparangna namen dakchakbeani ong·gen ine koborna parakataha.
