Re·anggipa bilsio WGH Gondenggre songo Huro mangsa 11 KV high voltage bijoli sringgipa silitingo nange sianiko nike, gimaroroangenggipa Huro-rangko ripingna aro bijolirangoni chel·chake rakkina man·agita cholrangko am·sandie ja·ku de·china A·chik Holistic Awakening Movement (AHAM) CEB Tura dolrang skotong Minister Conrad Sangma-na chittiko see didiataha.
Ia a·sel ong·aniara Garo Hills jolo gimaroroangenggipa Huro-rangna namen kenchakani ong·enga. Ia gamchatbegipa jatsa matburingni gimaaniara wilwilao donggipa matburingrangnasan kenchakani ong·aigija Garo Hills-na dal·a gimaaniba ong·a. Apsandaken Huro a·dokna aro a·jani buring bolgrimrangni gun rasongko mesokani ong·a ine AHAM dolrang janapataha.
Indake ia a·selrangni bidingo ta·rake am·sandianiko dake Huro-rangko ripingna nambatgipa cholrangko ra·gatna ja·ku de·e uarangni rochakenggipa biaprangko tarie bijolini silitingrangoni chel·chakna didiatan baksana dingtang cholrangko jakkale a·doko Huro aro wilwilao donggipa matburingrangko ripinge naljokatna man·agita AHAM dolrang CM-ko mol·molataha
