Tura-oni chadambe saksa Raslal Upadhaya, skanggipa changna ong·atanggipa Guwahati Smart City International Open Fide Rating Chess Tournament 2024 o bakko ra·e 1511 category-ni ning·o 10 oni 6.5 score-ko man·e skanggipa ong·aha.
Ia susaaniko All Assam Chess Association (AACA) dingtang mancha Director Of Sports and Youth Welfare, Government Of Assam State Level Advisory Committee For Students And Youth Welfare (SLAC) ni dakchakaniko man·e Indira Gandhi Indoor Stadium Sarusajai, Guwahati o July 2 oni 7 tarikona ong·atangaha.
Raslal Upadhaya ia susaanio Garo Hills-oni re·ange bakko ra·anggipaoni saksa ong·paa jean skanggipa gadango chu·sokange mikkim ra·songko ra·baaha. Ia susaanio Northeast a·jarangoni bang·a chess kal·giparang re·batokaha aro bang·an chu·sokgipa ong·angtokaha.
