Friendly Motocross Challenge 2024 ko Molmegre, West Garo Hills o July 5 aro 6 tariko Durama Motorsports & Adventure Club ong·atangaha. Ia salsusaaniko Two Stroke, Beginners, Novice, Expert, Open Garo Hills Champion, Scooty aro Legend ni bakrango ong·ate sak 27 mangnigita susagiparang bakko ra·angtokaha. Ia susaanio Legend ni bako Motocross ko Garo Hills o a·bachengdilgipa manderang jean bilsi 35 na batgiparang susagrikangtokaha.
Beginners-o Bajengdoba ni Salgira T Sangma skanggipa biapko man·e cheangaha, gnigipa biapo Kanan aro gittamgipa gadangko Tura ni Heyko Momin man·angaha. Novice-o skanggipa biapko Bajengdoba ni Salgira T Sangma man·e cheangaha, gnigipa biapo Tura ni Rakkim Marak aro gittamgipa gadangko Tura ni Ezekial Sangma man·angaha. Expert-o skanggipa biapko Molmegre ni Evander Sangma man·e cheangaha, gnigipa biapo Chengseng Ch Marak aro gittamgipa gadangko Ringrang M Sangma man·angaha. 2-Stroke-o skanggipa biapko Tenzy Sangma man·e cheangaha, gnigipa biapo Aring Sangma aro gittamgipa gadangko Apnine Sangma man·angaha. Open Cross-o skanggipa biapko Evander Sangma man·e cheangaha, gnigipa biapo Chengseng Ch Marak aro gittamgipa gadangko Tenzy Sangma man·angaha. Scooty-o skanggipa biapko Bendkelly man·e cheangaha, gnigipa biapo Balkim Marak aro gittamgipa gadangko Evan D Sangma man·angaha. Legend-o Natash Yuvraj cheangaha aro Tenzy Sangma gnigipa biapko man·angskaaha.
Ia salsusaani dingtang dingtang bakrango chegiparangna Trophy, Memento, Medal aro tangka paisarangko boksis dake on·angaha.
