State Congress Working President Deborah C. Marak, Gambegre bye-election-o susana nangnikgijaniko da·al salo parakataha. Uni susana nangnikgijaniko parakataniara ua an·tangan WGH a·jani mande ong·jani gimin Gambegre bye-election-o susaangjawa ine aganangaha. Gambegre constituency-ni bye-election-o susaatna da·o dipet Congress dolnigita candidate-ko tik ka·kujaenga aro nanggipa kamrangko ka·e susana gisiko nanggipa candidate-rangna party ticket-na dorgastoko galna somoiko on·anggen ine Marak aganangaha.
Ia changni bye-election-o politics namen dingtanggen ine u·ie Congress dolnigita bilakgipa candidate-ko seokgen aro rakbee kamrangko ka·e chenagita jotton ka·anggen ine Marak aganangaha. Unbaksana Gambegre constituency-ni manderang da·onaba MP Saleng Sangma baksaan ong·kuenga jean chang bri MLA aro changsa MDC ong·angaha. Saleng Sangma baksa manderang inditan meli nangrime kamrangko ka·angahani gimin uni gadang aro bewalko nigrike Congress dolnan pu·onangkugen ine Marak agandapangaha.
Indake ong·engon Lok Sabha Tura parliamentary seat-o Congress dol cheanina party-ni dilgiparang agre ka·dongdugajachina mikrakataniko on·angan baksana jeni somoio election-ko ong·atna tik ka·a bakan doltangko cheatna bakrime aro rakbee kamrangko ka·na nanggen ine Marak aganangaha.
