Tangka paisarangko jakkalsretaniko ba corruption-ko bon∙atna A·chik Progressive Approach (APA) Williamnagar baksa National Anti-Corruption Foundation of India-ni National Youth Chairman Salim Islam aro State President Abdur Rup Choudhary Williamnagar-ona re·bae Balgito Inn-o tom∙e chanchirimangaha.
Ia tom∙anio APA dol dingtang dingtang sorkarini department-rango tangkarangko ong∙gija jakkalsretaniko bon∙atna bakrime raka ja∙kuko de∙na tik ka·angaha. Ian mikkangchi Garo Hills-nasan ong·aigija Meghalaya a·dok gimikna tangkarangko nama bewalo jakkalna aro a·dokni silroro namroroanina dakchakani ong·gen ine uamang u·iataha.
Iasan ong·aigija, corruption-ko bon·atna aro a·doko mikkangchi daito donggipa department-rangnaba mikrakatani ong·anggen ine uamang u·iatangaha.
