Tribal Artisans Empanelment Mela (TAeM) ni gittamgipa phase-ko mijal attamo Tura Dakopgre SMELC buildingo Tribal Cooperative Department Federation of India Ltd. (TRIFED), New Delhi aro Regional Office Guwahati, IIE Guwahati baksana District Administration, Meghalaya Basin Management Agency (MBMA), Prime Start-Up Hub Tura aro West Garo Hills-ni Meghalaya State Rural Livelihood Mission apsan bakrime ong·atangaha.
Ia program-ko ong·atani miksonganiara Northeast a·dokrango donggipa tribal manderangni sol·na repna changani aro dingtang dingtang bosturangko jaktangchi tarina changgipa sapgiparangko ra·dona aro uamangni tarigimin bosturangko bading chiwalanio chu·sokatnagita ong·atangaha. Ia program-o ma·mong sorkari, Ministry of Tribal Affairs-nigita gitalgipa scheme “Marketing and Logistics Development for promoting Tribal Products from the North-Eastern Region” ko sol·na repna changgipa manderangna a·bachengate on·angjolangaha.
Ia program-o West Garo Hills-ni Deputy Commissioner Jagdish Chelani aro Chetaniya Awasthi mongsonggipa sokgipa ong·e bakko ra·angaha. Ia tribal Artisans Empanelment Mela-ko ong·atani miksongani gimin TRIFED Delhi-ni Nagendra Nath Jha SM talate on·angaha. Apsandaken North East a·dokrango bading chiwalanirangko namdapatani bidingo TRIFED Guwahati-ni Marketing Head Abhijeet Dutta agane on·angskaaha.
Ia program-ona dingtang dingtang a·jarangoni sak 100-na baten bading chiwale cha·giparang aro sol·na repna changgipa sapgiparang an·tangtangni changa sapaniko mesokna re·bae bakko ra·angtokaha. Ia program-o ba·raoniko, re buduoniko, wa·aniko, boloniko tarigimin bosturangko aro bolam biterangoniko tarigipa namgipa ringani aro cha·anirangkoba palangaha. TRIFED empanelment scheme programme-o sak 54 bading chiwale cha·giparang bimungrangko segatangaha. TRIFED a·songni ge·sa Organization ong·a jekon ma·mong sorkarinigita dingtangmancha tangka paisarangko chamate namroro silrorona dakchakgipa ong·a.
Ia program-o West Garo Hills DDM, NABARD-ni Kittmiller Sangma, WGH MBMA-ni DPM V Valentine Hembrom, Shillong MBMA-ni Senior Manager Sujib Mishra, TRIFED Guwahati-ni Senior Program Executive Asif Ekbal Hussain, IIE Guwahati-ni Gouranga Boro aro TRIFED Guwahati-ni Ramesh Singha-ba dongpae bakko ra·angtokaha.
