Mijal waloni da·alona mikkarang dontonggija waanichi Tura songjinmani Deran Gittimo Ramen D. Sangma-ni nokko pring 4 baji mangni somoio a·a rurongdape nisiatako man·aha. Nok nokgipani agananigitade uamangni bara-cholrangko aro bi∙sarangna admission ka∙na dongipa tangka paisarangko ia a∙sel ong∙anio gimaatna nangaona sokaha ine parakataha.
Songdongenggipa manderang district administration aro sakanti daito ra·e nirokenggiparangko dakchakatpachina Ku·rongdik-na kobor on·ataha.
Garo Hills-o re·anggipa salrangoni dontonggija mikka waani a·selo adita bakrango chi bana ong·aniko nikangna man·enga. Re·baenggipa salrango apsandaken mikkarang waangkuaiode abri aro a·kawe jolrango donggipa manderang kenbegnigipa a·selrangko chagrongangnaba gnang.
