Chief Minister Conrad Sangma, New Delhi chi re∙ange Meghalaya a∙dokna dingtang dingtang project-rangna dakchakaniko bi·na sak dok Union Minister rangko grongangaha.
Union Finance Minster Nirmala Sitharaman-ko grongrikanio Meghalaya Economic Growth Accelerator (MEGA) Corridor Project na Finance Commission ni somoi ong∙mitingon dakchakchina Sangma mol·molangaha. Ia project a∙dokni silroro namroroaniko tang·doatani chol ong∙a ine Sangma aganangaha.
Skill Development & Entrepreneurship, Union Minister of State, Jayant Choudhury baksa golpogrikanio, Shillong aro Tura o Skill Park rangko chadamberangna changa sapanio tang∙doaniko aro poraia matchota ja∙man kamna neng∙nikani gri man∙agita a∙bachengatna man∙chianiko Sangma janapangaha.
Meghalaya a∙doko rika cho·anirangko tang·doatani project na dakchakaniko on∙china aro DONER Ministry ni ning∙o gimik North-east a∙dokna tangka paisa chamatgipako bariatchina Development of North Eastern Region (DONER) ni Union Minister, Jyotiraditya M. Scindia ko CM mol·molangaha. Sangma, dingtang mancha Meghalaya a∙doko karkanarangko tang∙doatna dakchakaniko man∙agita Union Minister of Commerce and Industry Piyush Goyal koba grongangaha.
Technology nigita a∙dokko chalaina Information Technology ni Union Minister, Ashwini Vaishnaw ko CM grongangaha aro Meghalaya a∙doko technology-ko jakkale manderangna neng∙nikaniko olgrokatani bidingo golporimangaha.
Bon∙kame, Education Dharmendra, Pradhan ko gronge Meghalaya a∙doko dingtang dingtang education project-rangni tang∙doaniko u∙iatangaha aro mikkangchina poraia skiani bidingo dakchakaniko on∙chinaba Minister ko mol·molangaha.
