Da·al sal Mongolbar 25, 2024 tariko 18 gipa Lok Sabha skanggipa session-ni gnigipa salo a·dokni gital seokako man·gimin Tura-ni MP Saleng Sangma, Shillong-ni MP Ricky Andrew J. Syngkon aro gipin sak 281 gital MP-rang, Protem Speaker Bhartruhari Mahtab-ni dongpaanio ku·mikchetangaha.
Ia session-o gital MP-rang India a·songni constitution-o dongimin niamrangko ja·rike kamrangko ka·na aro kakketo dangdike on·agita ku·chakangaha.
