Gittamgipa National Open Kyorugi & Poomsae Taekwondo Championship 2024 ko re∙anggipa June 20 oni 23 tarikona Tamil Nadu a∙dokni Mahatma Gandhi Indoor Stadium, Salem-o ong∙atangaha. Ia Championship ko Tamil Nadu Taekwondo Association aro Salem District Amateur Taekwondo Association bakrime Taekwondo Federation of India ni gita kal∙atangaha.
Ia kal∙susaaniona Garo Hills ni adita chadamberangba Taekwondo aro Poomsae kal∙anio bakko ra∙angtoke bang∙a medalrangko man∙bae A∙chik a∙songna mikkim rasong ko ra∙baaha.
Kyorugi kal∙anio Arando S Sangma cadet-male category-o gold medal, Tusanmillan M. Sangma senior male category-o gold medal, Mankam D. Momin senior male category-o gold medal, Lastmania T Sangma senior female category-o gold medal in senior female category, Anusa M. Sangma senior female category-o gold medal, Balrang Raka Ch Momin, senior male category-o silver medal, Anilbath D. Sangma senior male category-o silver medal, Cheweasha M. Momin senior female category-o bronze medal, Chigaliasa R Marak, senior female category-o bronze medal aro Jheanchim B Marak senior female category-o bronze medal rangko man∙angaha.
Una agreba Poomsae kal∙anio Lastmania T. Sangma senior female individual category-o gold medal, Anilbath D Sangma senior male individual category-o gold medal, Gamgam Bokjra Ch. Momin senior male category-o gold medal, Derimia Sangma senior male individual category-o silver medal aro Ormond T Sangma senior category-o silver medal rangko man∙angskaaha.
