June 24 tarik 2024, Sombar salo 18 gipa Lok Sabha-ni skanggipa session-ko a·bachengataha jeon PM Narendra Modi aro gipin seokako man·gimin MP rang ku·mikchetanggen. Ia skanggipa session-o opposition dolrang a·songo dingtang dingtang chagrongenggipa neng·nikanirangko aro chu·onggijanirangko sorkarini kosako sing·doaniko nikna man·anggen.
Ru·utgija somoio ong·anggimin NEET-UG porikkao chagronggipa a·selo NTA-ni simsakgijanichi chatro chatrirangna dal·a neng·nikaniko ra·baani bidingo opposition dolrang sing·doangna ka·dongsoenga. Congress doloni MP Kodikkunnil Suresh-ko galchange BJP-ni Bhartruhari Mahtab-ko pro-tem speaker songani giminba golporimanggen. Ia ku·mikchetani skanggipa salgnio janapgimin minggni a·selrango pangchake opposition-rang 18 gipa Lok Sabha session-o NDA sorkarini aganchakaniko sing·sandianggen.
June 27 tariko, President Droupadi Murmu Parliament-ni nok gnion pilak seoka man·gipa dilgiparang baksa tom·e chanchirimanggen. President-ni agangimin kattarangna mittelpile agananirangko June 28 tariko ong·atangskagen. Iani bidingo July 2 ba 3 tariko PM Modi-ni aganchakaniko nikangna ka·dongsoenga. Nok ge·gnioni Union Budget-ni bidingo talataniko dakna July 22 tarikko donataha.
