South West Garo Hills-o, cha·ugimin AS-01 BV-7512 number Bajaj Pulsar 180 CC ko Monabari Police Outpost ni ka·rongbewalgita nirikianiko dakmitingo man·pilaha. Re·anggipa salrangon ia bike gimaahani gimin Fatasil Ambari Police Station-o bike-ni nokgipa mokordomako segate donaha ine u·ina man·aha. Bike nokgipani janapaniko man·ani ja·mano Kamrup, Assam-ni DTO, ia bike-ko dengale donataha.
Adita am·sandianirangko dakani ja·mano, Fatasil Ambari Police Station-ni Officer-in-Charge na Monabari Police dolrang bike-ko man·pilani koborko on·ataha. Uandake, June 21 tariko Monabari Police dakna nanggni kamrangko matchote, Fatasil Ambari-ni Police-rang aro bike-ni asol nokgipa re·baani ja·mano bike-ko uamangni jako pakwatataha.
