NEHU, Tura campus o International Conference ko ‘Contemporary Issues in Business, Management and Social Sciences in the Era of Artificial Intelligence’ ko Indian Council of Social Science Research (ICSSR) aro North Eastern Regional Centre (NERC), Shillong ni dakchakanichi Department of Management, NEHU, Tura Campus, Meghalaya & North Eastern Management Association (NEMA), India baksa nangrime salgnina ong·atangenga.
Tom·bimonganiona banga gipin a·songoni aro a·dokrangoni poraia skiani chu·batgipa gadangrango chu·sokgipa ong·e skie on·enggiparang sokbae bakko ra·angaha. Bhutan a·songni Sherubtse College, Royal University of Bhutan ni President Tshering Wangdi tom·anio mongsonggipa sokgipa ong·aha unbaksana Silchar Assam University ni Vice Chancellor Professor R. M Pant, NEMA ni International Conference ni Convenor aro Secretary Dr. Sunildro L. S Akoijam, aro NEHU Shillong ni Vice Chancellor Prof. P. S Shukla, iamang program o bakko ra·angaha. Unbaksana a·dokni Chief Minister Conrad K. Sangma ba online gita agan-golpogrikanirangko dakangaha.
Ia tom·e golpo chanchirimanio da·ororo AI ni chasongo bading chiwalani gadango, songsalko chalaianio chagrongenggipa neng·nikanirang aro poraia skiani a·bao bang·a nangdapgiparangni bidingo golpgrikangaha. Unbaksana maikai ia a·bao da·oni somoio AI ko jakkale an·chingni janggi tanganiko namdapatna man·gen iarangni bidingoba chanchirimangaha. Tom·ani bako Conference Souvenir ni Abstract Book koba oprakangaha.
Apsandake Prof. J.U. Ahmed aro Prof. Parag Shil ni segimin lekka Holistic Vision and Development, Dr. Dimpal Bharali aro Dr. Sunildro L.S. Akoijam ni segimin Competitiveness of Sualkuchi Silk Products in Assam, Dr. Chelsea Ch. Momin aro Prof. J.U. Ahmed ni segipa lekka Service Quality and Customer Satisfaction of Rural Bank koba oprakjolangaha.
