A·dok sorkari roster system-ni bidingo Deputy Commissioner-rangko an·tangtangni a·jarango bon·kame nirokaniko dakchina tik ka·angaha ine Social Welfare Minister Paul Lyngdoh aganangaha. DC-rang an·tangtangni a·jarango nirokaniko dake Khasi-Jaintia aro Garo rangna chamgimin reservationko roster system ko ja·rike kamrangko ka·anggen ine Lyngdoh Cabinet baksa chanchiramani ja·mano kobor ra·timgiparangna parakataha.
DC rang a·dok sorkari aro Personnel Department rangona re·bana nanggija Khasi-Jaintia aro Garo jatrangna uamangni a·jatango chamgimin 80% reservation ko niroke ja·rikangchina ge·etangaha. Iako dakanichi an·tangtangni a·jarango kamrangna rakkiani somoirangkoba ta·rakatna dakchakan baksana a·dok sorkariona sokatgija DC-rang chugimik bilko ra·e kamko ka·na gita man·anggen ine Lyngdoh agandapangaha.
