Re·anggipa 2020 bilsio mikka jimbee waanganichi Simsang chi dal·e nosto ong·atako man·gipa Rewak dolongko da·alonaba taridape on·kujaenga. Dolongko taritaie on·kujani a·selo Kharukol aro Rewak jolo songdongenggipa manderang salantio re·rurana namen neng·nikaniko chagrongna nangao ga·akenga.
Iasan ong·aigija dingtang dingtang nanganirangna ia dolongko jakkalgipa jekai skul bi·sarang, bading chiwale cha·giparang aro songre songgabatgiparang namen neng·nikaniko man·enga. Manderang changsatai maming jajrenga gri ia dolongko jakkaltaina man·agita taritaie on·china songdongenggipa manderang dingtangmancha Ku·rongdik-na parakataha.
2022 bilsio bang·a rama jal·angrang, rika cho·anirang aro nok jamrang nisiatako man·aha. Ia simsang chibimako kabatgipa Rewak jal·angba ua somoionin nosto ong·e dongenggipa ong·a, jekon sakantini namgnina aro neng·nikanirangko olgrokatna ta·rake taripiltaie on·china mol·molataha.
