Da·al pringni 8:30 aro 9 bajimangni gisepo bostu salgipa rel gari Kanchanjunga Express baksa ki·sangchini ta·rakbee re·bae su·gakenba West Bengal Jalpaiguri-o a·sel ong·angaha. Da·o dipet ia a·sel ong·anio sak 5 manderangni sianiko parakataha, sak 25 na bate bilongbee saknaa man·aniko u·iataha aro am·sandianiko dakangkuenga.
Obostao ga·akgipa rel gari Agartala-oni Kolkata Sealdah train station-ona re·angmiting somoio North Bengal New Jalpaiguri Station-oni km 11 mang chel·ao a·selko chagrongaha. Ia ong·a obostao rel garini dabha ge·gittam nosto ong·aha, jeon ta·rakbee chagakani a·selo rel ramaoni tang·angaha ine u·iataha. A·damoniko am·sandianirangko dakangkuenga aro saknaa man·gipa manderangko hospital-ona watroroatenga ine koborna parakataha.
