VPP dolrang Shillong Lok Sabha-ni biapo chegenchimoba INDIA bloc baksa bakrimjawa ine uamang dolni President Ardent Miller Basaiawmoit parakangaha. Indake ong·engon, Meghalaya a·dokni namgninade ma·mong sorkari baksa bakrimaigen ine aganangskaaha.
VPP dol Meghalaya a·dokni manderangna dangdike on·a aro naljokatna miksonganio re·mikanganirang gnang jekon uamang galchangna man·jawa ine parakataha. A·dokna dingtanganirangko ra·bana VPP kam ka·anggen aro ia miksonganiko nikesa manderangba pu·onangaha ine Basaiawmoit aganangaha. Iani a·selosa VPP dolsan ong·e Lok Sabha noko asonge, NDA baksa bakrimgija kam ka·anggen ine Basaiawmoit agandapangaha.
