Da·al salni Tura Football League ni I Division-o susaanio WI FC ko Blue Max dolrang goal 3-0 chi amataha.
Ia kal·anio Blue Max dolrang skanggipa half-o minute 32 ni somoio Matsrang M Sangma goal 1 ko aro minute 38 ni somoio Tengkrim Marak goal 1 ko chipna man·aha. Gittamgipa goal-ko Dera Marak minute 67 ong·ao chipangskaaha.
Blue Max dolrangni bilake kal·susaanganichi WI FC jotton ka·beoba goal 1 mangmangkoba chipna man·angjaha.
