Mijal walni somoio, Tura-Paikan NH-51 ramako tarienggipa Goeragre sokna skango Pick-up aro Dumper truck gari a·sel ong·aha.
Ia a·sel ong·anio Pick-up gari bilongbee nosto ong·aha aro manderangba namen saknaa man·aha ine koborna parakataha. Pick-up gari ML-08 3869-o gadoenggipa manderangko bakan Tura Civil hospital-ona sanna bannaniko dakna watataha. Dumper truck gariba aditan nosto ong·aniko man·aha aro maming saknaa man·ani dongjaha ine u·ina man·aha.
Ia ong·anggipa obostani bidingo pulisrang am·sandianirangko dakangkuenga aro kakketgipa ja·pangrangko talbate ma·sie ra·angenga. Tura aro wilwilani biaprango Dumper truck baksa a·sel ong·anirang batanggimin salrangoba bang·en ong·aha, aro da·ona kingkingba ong·enganiko nikangkuenga.
