Chang 47 gipa Fide Rated Chess Championship 2024 ko Meghalaya Chess Association (MCA) ni dakchakanichi Garo Hills Chess Association (GHCA) Asanang Wangala hall-o da·aloni a·bachengataha. Ia chess kal·susaaniko June 12 oni 15 tarikona salgittamna ong·atangenga.
Chess kal·anio a·dokni dingtang dingtang a·jani chess kal·giparang chu·gimik sak 84 mang bakko ra·angenga. Ia susaanio round prako sakprakna chu·gimik kontaprak somoirangko on·e kal·atangenga.
Ia kal·sussanio chu·gimik brigipa gadongona kingking chegiparang, re·baengipa National Chess Championship-o Meghalaya a·dokni palo bak ra·nagita cholko man·anggen ine GHCA-ni General Secractary Tengrang R. Sangma aganangaha. Kal·susaanio bakko ra·nagita All India Chess Federation-o online se·gataniko dakna nangchongmota ineba Sangma agandapangaha.
