Tura Civil hospital-o dal·begipa 2.8 kg ong·gipa salivary gland gitokni tumour (Giant Right Pleomorphic Adenoma) ko Dr. Lee Roger MS, MCh (Paediatric Surgery) aro Dr. Stevie Jaseng N. Sangma (MD Anesthesiology) surgery ka·anio chu·sokaniko Superintendent Dr. I C Marak parakataha.
Ia surgery-ko chu·sokanio Dr. Crejithson R. Marak, Dr. Binsena R. Marak, Sister Drinchira M. Marak and gipin OT staff-rangba dakachakangaha. Sagipa mande bilsi 20 ong·gipa Tikrikilla-ni ong·a aro bilsi 4 onin sabaaha jean jakrachini gitoko dal·bee tom·aniko man·aha. Da·o uni sabisiko chu·soke Tura Civil hospital-o surgery ka·angaha aro ua mandeko hospital-oniko watataha ine Superintendent parakataha.
