South West Garo Hills a∙jani adita jolrango ia jani 20 oni 22 tarikona adita somoirangna bijoli den·aniko dakangnagita 109 gipa SOCC-ni tom∙anio tik ka∙angaha. Ia bijoli den·aniko buring bolgrim gita bijoli silitingrangko salanio adita silritingrango wetipgiparangko rongtalatna aro Sub-Station-ko taridapna nanganina bijoliko den·gen ine Meghalaya Power Transmission Corporation Ltd (MePTCL) u∙iatangaha.
June 20 aro 21 tarikrangoo Ampati-Phulbari-ni 132KV Line ko pring 8 bajioni salni 2 bajiona bijoli den·aniko dakanggen. Apsandaken 22 tariko West Garo Hills aro South West Garo Hills a∙jani Nongal-oni Rongkhon ona watenggipa 132KV ko taridapanirangko dakna pring 7 bajioni 12 bajiona bijoli den·angskagen ine parakataha.
