June 5, World Environment Day-o dingtang dingtang dolrang jekai A·chik Zen Adventure Club, Nostu Nopantu SCYC, GSU (CEC) H.Q Tura, Garo Hills United Labour Union, Westside Entertainment Society, Durama Motorsports Adventure Club, Soragre-ni Nokma aro songni manderang Social Forestry Department Tura baksa bakrime Soragre jolni Galwang dare chisamrango bolrangko ge·angaha.
Uamangni jinma ku·monge bolrangko ge·anganiara Garo Hills-o chiring chibisikrangni tipanganina aro ding·ani batroroenganiko chagrongna nanganiko nike ja·ku de·angaha ine Ku·rongdikna parakataha. Ia a·selrangoniko naljokatna Soragre songni Nokma Picheng A. Sangma kusi ong·e an·tangni a·jao bol wa·arangko ge·na on·angaha. Ian uni jolnasan ong·aigija Garo Hills-naba namgniko ra·bagen aro manderangna namgipa didianiba ong·a ine Nokma aganangaha.
Tom·anio aganengon, GSU (C.E.C) H.Q Tura-ni President, Zikku Balgra N. Marak dingtangmancha manderangko Environment Day-osan ong·aigija man·a dipet bolrangko ge·chinaba didiangaha.
