East Garo Hills, Rongmil bajaro transformer nosto ong·aniko Mendipathar MeECL Sub-Division Office on·o re·ange transformer-ko tarie on·china changgni grongenchimoba da·onaba tarie on·kujaengani gimin Rongmil ACHIK Regional Unit-ni President Liubirth K. Marak koborna parakataha.
Ia transformer May 9 tarikoni nosto ong·e dongenga ine Marak parakataha. Bijoli dongjae poraienggipa chatro chatrirangna aro salantio badingchiwale cha·enggipa manderangni neng·nikaniko janape tarie on·china u·iatmanahaoba da·onaba nirokatkujaenga ine ua janapataha.
Indakgipa obostako chagronge songdongenggipa manderangni neng·nikanirangko nigrike daito donggiparang ta·rakkale tarie on·pachina Rongmil Regional Unit-ni President mol·molataha.
