Arunachal Pradesh-o BJP ge 46 seat rangko chea, NPP ge 5 seat ko man·e gnigipa ong∙a

2024 Arunachal Assembly Election na ge 60 seat na susaani result rangko da∙alo parakataha. Ia changoba Bharatiya Janata Party (BJP) chu∙gimik ge 60 seat oniko ge 46 seat rangko cheanichi gittamgipa changna sorkariko rikangnasienga. Re∙anggipa March 30 tarikon ge 10 constituency rango opposition ong∙e susagrikgipa dongjae ge 10 seat rangko Pema Khandu ni dilanichi cheangaha.

Unbaksana National People’s Party (NPP) ge 5 seat rangko cheange gnigipa ong∙angskaa. Una agreba Nationalist Congress Party (NCP) ge 3, Independent (IND) ge 3, People’s Party of Arunachal (PPA) ge 2 aro Indian National Congress (INC) ge 1 seatrangko man∙angskaaha.