Tura Football League-ni Semi Final-ko da·alo susaanio Chipakkore FC goal 5-3 chi Selsella SA ko amate final-ona sokdoangaha.
Ia kal·anio Chipakkore FC dolna skanggipa goal-ko minute 8 ni gisepon Balthu M. Marak chipangaha aro 39 gipa minute-o gnigipa goal-ko dolna chipe on·angaha. Apsandaken Akim R. Sangma goalgniko chipangaha aro Brojen Muchahary goal 1 chipe doltangna chu·gimik goal 5 ko chipangaha.
Selsella SA dolna Jempujiang A. Sangma goal 1 aro Chijeng Momin goal 2 chipe on·angskaaha. Skanggipa neng·tani somoi ong·na skang uamang goal 2 ko chipna man·aha. Chu·gimik kal·anio uamang goal 3 kosan chipna man·e semi final-o sirikaha. Selsella FC ia season-o name kal·e semi final-o na sokdogenchimoba ia chango chegipa ong·na jotton ka·anio chu·sokna man·jaha.
