Chief Minister Conrad Sangma, Meghalaya a·dokona sokbagipa Remal cyclone-ni obostarangko aro tarisamsoanirangko official-rang baksa agangolpogrikangaha.
Ia tom·aniko Deputy Chief Minister Prestone Tynsong, Chief Secretary D. P. Wahlang, pilak Deputy Commissioner-rang, National Disaster Response Force (NDRF), Indian Meteorological Department (IMD), State Disaster Management Authority (SDMA), District Disaster Management Authority (DDMA) aro gipin senior official-rang baksa chanchirimangaha.
Ia somoio Chief Minister Conrad Sangma pilak a·jani administration-rangko nirok simsake aro a·selrangoni naljokna tarisamsoe dongchina ge·etangaha. A·selo ga·akgipa manderangko helpline number 1070-ona call ka·ate dakchakani cholko ra·chinaba u·iatangaha.
